लुम्विनी प्रदेशको केन्द्र राप्ती गाउँपालिकाका जनप्रतिनिधिहरुलाई सभा सञ्चालन र कानुन निर्माण प्रक्रिया बारे जानकारी गरिएको छ ।
आगामी दिनमा हुने राप्ती गाउँपालिकाको गाउँसभा सञ्चालन तथा निर्णयार्थ सहयोग पुगोस भन्ने उदेश्यका साथ सभा सञ्चालन र कानुन निर्माण प्रक्रिया बारे अन्तरक्रिया गरिएको हो ।
लुम्विनी प्रदेश मुख्यमन्त्रि तथा मन्त्रिपरिषद्को कार्यालय कानुन तथा संबैधानिक मामिला महाशाखाको आयोजनामा राप्ती गाउँपालिकाका सभा सदस्यहरुलाई सभा सञ्चालन र कानुन निर्माण प्रक्रिया बारे जानकारी गरिएको हो ।
राप्ती गाउँपालिका अध्यक्ष नुमानन्द सुवेदिको प्रमुख आथित्यतामा भएको कार्यक्रममा गाउँ सभाको कानुन निर्माण सम्बन्धि प्रक्रियाका बारेमा समेत जानकारी गरिएको थियो ।
कार्यक्रममा नेपालको संबैधानिक ब्यवस्था, गाउँसभाको कानुन निर्माण प्रक्रिया सम्वन्धि ऐन २०७५, दफा ४ (१) स्थानिय तहले कानुन निर्माण गर्दा अन्य कुराको अतिरिक्त विचार गर्नुपर्ने कुराहरु, दफा ५ आवस्यकताको पहिचान, समिति गठन गर्न सक्ने ब्यवस्था, सुझाव संकलन प्रक्रिया, सभामा विधेयकको मस्यौदा पेश गर्ने प्रक्रिया, विरोधको सुचना, विधेयक संसोधनको लागि समय, विधेयकमा दफावार छलफल, समितिको प्रतिवेदन पेश गर्ने तरिका, विधेयक फिर्ता दिने तरिका, अनुषांगिक सुधार, विधेयकको अभिलेखीकरण र कानुन निर्माण सम्वन्धि अन्य ब्यवस्थाका वारेमा जानकारी गरिएको थियो । कार्यक्रममा कानुनी अधिकृत सुस्मीता पाण्डेको समेत सहभागीता रहेको थियो ।
तिर्थराज ज्ञवाली
पुस २२, मसुरीया(देउखुरी दाङ)
No comments:
Post a Comment